تعرف على مهلة زيزو لمجلس الزمالك لحسم موقفه

منح أحمد مصطفى زيزو لاعب فريق الزمالك إدارة ناديه، مهلة لحسم موقفه مع الفريق، وذلك من خلال البيان الرسمي الذى نشره اللاعب عبر صفحته بموقع تبادل الصور انستجرام.

ونشر اللاعب خلال البيان الذى نشره ": أنا مستني رد النادي لحد آخر يوم في الكونفدرالية، وأتمنى ربنا يكرمنا بيها أنا وزمايلي. وأي كلام هيتقال غير كدة في موضوع التجديد أو التوقيع قبل الموعد ده هيكون كلام غير صحيح.

أكد أحمد مصطفى "زيزو" نجم الزمالك إنه لم يوقع لأى نادى مؤكداً أنه يحترم كيتان القلعة البيضاء الكبير.

وكتب زيزو عبر "أستورى إنستجرام" :"الحمد لله. أنا راجل بحترم كل الناس.. لكن للأسف عدم ردي علي المعلومات المغلوطة. والتزامي الصمت زاد عن حده وكل ساعة خبر عن توقيع أو تجديد عقد زيزو وكل واحد بيغازل الشريحة اللي عايزها من الجمهور".

تابع:"بكل وضوح أنا لم أوقع لأي نادي سواء داخل أو خارج مصر.اللي حصل على توقيعي يتفضل يعلن.. إذا كان كلامه صحيح ،كمان اللي عنده دليل على توقيعي لأي نادي برضو يتفضل يطلعه على الملأ.. الناس لازم تعرف كويس".

وواصل:"انا بقدر جدا الكيان الكبير اللي أنا بلعب فيه.. ولا يمكن أنكر فضله عليا. لكن فيه حاجة أنا مكنتش حابب أتكلم فيها خالص.. لأنه للأسف الأمور في الإعلام كلها في إتجاه واحد.. ليه محدش اتكلم عن حقوقي المشروعة زي أي لاعب في الدنيا".